राजधानी गैह्रीधारास्थित फ्युचर इम्प्लोइमेन्ट सर्भिस प्रा.लि.ले दरबारमार्ग प्रहरी वृत्तलाई तीन वटा खाट र एक दर्जनभन्दा बढी प्लाई हस्तान्तरण गरेको छ।
कम्पनीकी सञ्चालक शुष्मा खत्रीको तर्फबाट प्रतिनिधि विष्णुमणि केसी र जेनजीका प्रतिनिधि नसिव केसीले आइतबार आगलागीबाट क्षतिग्रस्त प्रहरी वृत्तमा पुगेर राहत सामग्री बुझाएका हुन्।
सञ्चालक खत्रीले सामाजिक उत्तरदायित्वअन्तर्गत उक्त सहयोग गरिएको बताइन्। त्यस्तै, जेनजी प्रतिनिधि नसिव केसीले प्रहरी शान्ति–सुरक्षाका लागि आधारभूत भौतिक पूर्वाधार आवश्यक पर्ने तर भदौ २४ गतेको आगलागीले कार्यालय र ब्यारेकमा ठूलो क्षति पुर्याएपछि प्रहरीलाई सुत्नसमेत कठिनाइ भएकाले राहत सामग्री उपलब्ध गराइएको जानकारी दिए।
फ्युचर इम्प्लोइमेन्टले यसअघि कोरोना महामारी, बाढी–पहिरो लगायतका विपद्मा समेत उद्धार तथा राहत सहयोग गर्दै आएको छ।
