उच्च शिक्षा अध्ययनका लागि दक्षिण कोरिया जाने नेपाली विद्यार्थीहरूका लागि खुशीको खबर आएको छ। नेपाल सरकारको शिक्षा, विज्ञान तथा प्रविधि मन्त्रालयले दक्षिण कोरियाको D-2 भिसाका लागि आवश्यक पर्ने NOC (No Objection Certificate) खुला गरेको छ।
D-2 भिसा अन्तर्गत नेपाली विद्यार्थीहरूले कोरियाली विश्वविद्यालयहरूमा स्नातकदेखि स्नातकोत्तर र पीएचडी तहसम्म अध्ययन गर्न पाउनेछन्। मन्त्रालयका अनुसार हाल कोरियाली विश्वविद्यालयबाट छात्रवृत्ति पाएका वा स्ववित्तमा अध्ययन गर्न चाहने विद्यार्थीहरूले अनलाइन प्रणालीमार्फत NOC का लागि आवेदन दिन सक्नेछन्।
शिक्षा मन्त्रालयले सम्पूर्ण विद्यार्थीहरूलाई आधिकारिक कागजातहरू तयार पारेर समयमै आवेदन दिन अनुरोध गरेको छ। आवेदनका लागि आवश्यक कागजातहरूमा विश्वविद्यालयबाट प्राप्त भर्ना पत्र, छात्रवृत्तिको कागजात (यदि लागू भएमा), शैक्षिक प्रमाणपत्रहरू, राहदानी र अन्य आधारभूत कागजातहरू समावेश छन्।
यसले उच्च शिक्षाका लागि दक्षिण कोरिया रोज्ने नेपाली विद्यार्थीहरूलाई थप सहज बनाउने विश्वास गरिएको छ।
बिध्यार्थीहरुले अनिबार्य भाषा सिकेर मात्र कोरिया अध्ययनका लागी जान सम्बन्धीत निकायहरुले अनुरोध गरेका छन ।
