बहुराष्ट्रिय कम्पनी क्यारेफोर कुवेत र बहराइनबाट बाहिरियो
बहुराष्ट्रिय कम्पनी क्यारेफोरले कुवेत र बहराइनबाट आफ्नो व्यवसाय समेट्ने घोषणा गरेको छ । कम्पनीमा तल्ला तहदेखि उच्च पदसम्म उल्लेख्य संख्यामा नेपालीहरू कार्यरत रहेका छन्।
ग्राहकलाई सम्बोधन गर्दै सार्वजनिक गरिएको आधिकारिक विज्ञप्तिमा कम्पनीले बहराइन र कुवेतका स्टोरहरू क्रमशः सेप्टेम्बर १४ र सेप्टेम्बर १६ देखि बन्द हुने जानकारी दिएको छ।
यसअघि, क्यारेफोरले नोभेम्बर २०२४ मा जोर्डन र जनवरी २०२५ मा ओमानका सुपरमार्केटहरू बन्द गरी हाइपरम्याक्स ब्रान्ड सञ्चालनमा ल्याएको थियो। बहराइन र कुवेतमा पनि त्यस्तै नयाँ ब्रान्ड सुरु हुने अपेक्षा गरिएको छ।
सन् १९९५ देखि मध्यपूर्व, अफ्रिका र एसियाका १२ देशमा क्यारेफोर ब्रान्ड सञ्चालन गर्ने विशेष अधिकार पाएको माजिद अल फुतैमले २०२४ देखि चयनित मुलुकमा क्यारेफोर हटाउँदै हाइपरम्याक्स ब्रान्ड विस्तार गर्न थालेको हो।
