साउदी हुँदै नेपाल जान सकिने सूचनापछि कतारस्थित नेपाली दूतावास आलोचनामा

मलेसियाको पेनाङ राज्यस्थित पर्माताङ तिङ्गी क्षेत्रमा एक नेपाली कामदारले आफ्नै नेपाली सहकर्मीमाथि छुरा प्रहार गरी हत्या गरेको घटना सार्वजनिक भएको छ। कम्पनीको होस्टेलभित्र घटेको घटनापछि प्रहरीले २५ वर्षीय आरोपितलाई पक्राउ गरेको छ, तर उनको नाम हालसम्म सार्वजनिक गरिएको छैन।

स्थानीय अदालतले उनलाई मलेसियन अपराध संहिताको धारा ३०२ अन्तर्गत अनुसन्धानका लागि सात दिन हिरासतमा राख्न अनुमति दिएको छ। न्यायाधीश सविन्दर सिंह र जुगिन्दर सिंहले मार्च २९ सम्म हिरासत थप गरिएको आदेश दिएका हुन्।

यदि आरोप प्रमाणित भयो भने उनलाई मृत्युदण्ड वा ३०–४० वर्ष कैद सजाय हुन सक्छ। दुवै जना हाँस प्रशोधन कारखानामा काम गर्ने सहकर्मी भएको र होस्टेलमै विवाद पछि घटना भएको प्रारम्भिक अनुसन्धानले देखाएको प्रहरीको भनाइ छ।

प्रहरीले घटनामा प्रयोग गरिएको छुरा पनि बरामद गरेको छ। पोस्टमार्टम रिपोर्ट अनुसार पीडितको करङमा छुरा प्रहार गरिएको विवरण स्थानीय सञ्चारमाध्यमहरूले उल्लेख गरेका छन्।