काठमाडौं गौशालामा बस दुर्घटना हुँदा १५ जना घाइते

काठमाडौँ | काठमाडौँको गौशालामा बस दुर्घटना हुँदा १५ जना घाइते भएका छन् । बिहान किरब ११ बजे गौशालाबाट एयरपोर्टतर्फ जाँदै गर्दा ब्रेक फेल भई विपरीत दिशातर्फ अनियन्त्रित हुँदा दुर्घटना भएको हो ।

घाइते सबैको अवस्था सामान्य रहेको र उनीहरुको अहिले केएमसी अस्पतालमा उपचार भइरहेको प्रहरीले जनाएको छ । प्रारम्भिक अनुसन्धानअनुसार बसको ब्रेक फेल भएपछि दुर्घटना भएको बताइएको छ। दुर्घटनापछि सवारी चालकलाई प्रहरीले नियन्त्रणमा लिएको छ।